2015-12-14
太陽報
星期五有兩幅地皮截標，比較受注目係屯門掃管笏住宅地，法院早排接納咗地皮?司法覆核申請，出售章程都提醒發展商有關風險，劉Sir班測量師老友都話唔排除地皮會好似大埔山塘路住宅地咁，最後要搞到延期截標，地皮估值最多約莫11.86億元。
至於同日截標?元朗東頭商貿地，估值上限約18.91億元。其中理想城市就話因應市況，所以將兩地估值同時調低近12%，分別得番10.54億與15.43億元。
屯門第56區掃管笏路住宅地，佔地約莫7.32萬方呎，提供大約26.35萬方呎樓面，呢幅地皮受到司法覆核程序影響，地政總署亦喺出售條款列明，法院已經接納咗地皮?司法覆核申請，該署亦唔會為發展商因此而帶來?損失負責。
劉Sir知道，其實喺今季推出?大埔荔枝山山塘路住宅地，正正就因為受到司法覆核影響，搞到截標日期由原定?上月底，押後到出年二月先截標，所以市場都對呢幅屯門地皮能否如期截標有保留。
法理糾纏礙競投意欲
老友產業測量師張翹楚都話，若果法院已經接納咗相關?覆核申請，咁?情況會比較麻煩，亦唔太樂觀，特別係持有項目唔多?中小型發展商，佢哋更加唔願意用時間喺法理上糾纏落去，或多或少會影響入標意欲。
劉Sir綜合測量師?估計，呢幅屯門地皮估值上限係11.86億元，即係每方呎樓面地價大約4,500元。
東頭商貿項目近鐵路
至於元朗東頭工業區宏業西街與康業街交界商貿地，張翹楚覺得，該區商貿用地始終偏少，以最近批出?石門商貿地可以作為參考之一，雖然兩區位置較遠，但共通點都係新界商貿用地，而且同樣享有鐵路沿線優勢，所以估計呢幅地每方呎樓面地價大約3,800元左右，計番估值約莫18.91億元，係市場上限價。
而理想城市張聖典就話，因應近日市況，所以將呢兩幅地估值調整，其中原本估值約11.9億元?屯門地，最新估值約10.54億元，每方呎樓面地價約4,000元。至於元朗東頭商貿地最新估值調低至約15.43億元，每方呎樓面地價約3,100元。