2015-06-02
太陽報
新盤迷你戶「恃細行兇」，愈賣愈貴，百利保（00617）昨日「晒冷」加推元朗尚築餘下74伙分層戶，價單平均呎價約14,653元，折實平均呎價約13,334元，比首張價單均價足足高成13.4%，更加貴絕目前新界西北所有屋苑，呢個盤聽日就截票，料周六盡推134伙發售。另長實加價推售?將軍澳峻瀅II兩房戶，昨日截止認購錄得逾5,700張入票。
正所謂細細粒容易食，尚築呎價雖然比同區屋苑貴咗成條街，但折實僅200幾萬元入場費?威力強勁，話咁快收咗五千幾票，發展商噚日食住個勢加推尚餘74伙，價單呎價11,631元至16,986元，售價283.8萬至598.8萬元。
百利保執行董事兼首席營運官范統同劉Sir講，尚築噚日公布第2張價單，加推?74伙主要向東南內園景，對比首批單位景觀較佳，呎價都比首批單位調升咗約5%。該盤聽日截止認購，本周六開售134伙，預料最終可收票約7,000張，有信心全數單位可以售罄，整批單位折實市值逾4億元。
消息指，該盤截至噚日已錄逾6,000張入票，較將會推出的134伙超額認購約44倍。佢仲話，截至周日累收票逾5,100張，較首批超額逾85倍，為一手新例後最多。
峻瀅II凍資逾5.7億
長實地產投資董事郭子威話，峻瀅II今日盡推全數471伙兩房戶發售，噚日截止認購，市場反應繼續踴躍。睇返張價單，該盤今日發售471伙?價單市值約25億元。
消息透露，呢批截止認購單位共錄逾5,700張入票，超額認購逾11倍，凍結市場資金逾5.7億元。
代理求才 佣字當頭
另外，地產代理界風起雲湧，隨住有新競爭者加入，多間大行都各出奇謀出招留人，中原陳永傑透露，公司會考慮一切有利員工措施挽留人才，現正考慮引入破天荒一個月出兩次佣?嶄新安排，每月向前線經經紀及經理級員工發放兩次佣金，最快有機會七月起實施。
美聯布少明話，公司會喺七至八月開始，每月提早七至十日向前線出佣，亦都研究緊一個月出兩次佣，近月仲加強貨尾盤獎金，嚟緊何文田天鑄更準備豪派600萬元獎金鼓勵前線交出成績。
劉Sir