2015-09-11
太陽報
政府近年致力增加土地供應，再有不少批地發展項目獲屋宇署批出建築圖則，劉Sir睇番該署資料，七月份一共批咗20份建築圖則，比起六月多81.8%，好似億京?大埔白石角科進路項目，就准建合共17幢分層樓宇同洋房，涉及總樓面逾71萬方呎。另外，今年頭七個月住宅動工量高達1萬伙，比去年同期多1.95倍。
睇番屋宇署最新資料，七月份共批出20份建築圖則，其中7項係住宅及商住發展。劉Sir知道，好多政府批出?地皮都喺呢個月獲批圖則，比較大規模?有上述白石角科進路項目，獲准發展8幢15層高分層住宅，同埋9座3層高洋房，總樓面大約71.58萬方呎。
恒地中間道建商廈
至於英皇國際（00163）夥拍財團?壽臣山道西與黃竹坑徑交界洋房項目，亦獲批建20座3層高洋房另連1層停車間，總樓面約8.77萬方呎。另莊士中國（00298）今年初投得?屯門業旺路項目，亦批准興建1幢27層高商住樓另連1層地庫。
至於商業物業方面，市場比較矚目的有恒地（00012）喺去年以超過46億元投得?尖沙咀中間道15號商業發展，可建1幢18層高商廈另連3層地庫，總樓面大約33.96萬方呎。
近年咁多地皮批出，帶動動工量增加，劉Sir知道，七月份住宅動工單位錄約1,113伙，連續兩個月破千伙，頭七個月住宅動工量累積齊頭1萬伙，比去年同期足足多1.95倍。
落成量跌 僅達標44%
不過，落成量就出現萎縮，七月有約744伙落成，按月少約72.6%，頭七個月累積約5,814伙，按年計少咗大約37%，對比全年預測約13,290伙，只係達標約44%。而最新落成?項目就包括西營盤維港峰同埋馬頭角利．港灣18，兩個項目發水比例分別超過54.58%同49.34%。
劉Sir亦收到風政府繼續推出新供應，地政總署公布，青衣細山路住宅地會喺本月十八日招標，十月三十日截標，地皮面積約莫6.67萬方呎。以最大商業樓面計算，初步估計總樓面約莫47.38萬方呎，市場就估計每方呎樓面地價約4,000至6,000元不等，估值最多約28.43億元。