2026-05-29
東方日報
【本報訊】宏福苑不少單位未受火災直接波及，當中包括黃先生宏道閣15樓的單位。對於政府打算收回，黃先生直言對收購方案感到「失望」，但政府執意收購，「你一定要賣畀佢，唔賣唔得」，又笑稱「中國五千年文化就係官字兩個口，咪由得佢壓落嚟囉，壓到大家都冇氣抖咪反囉」。
暫住過渡屋 不捨老街坊
黃先生今次上樓，本來希望能將洗衣機搬離單位，但由於大廈電梯未恢復運作，只好作罷。火災發生後，黃先生與家人搬到啟德過渡性房屋暫住，對於往日住處，他表示最不捨的是相處逾40年的街坊，但他亦無奈道「做人係咁，冇得捨唔捨得，最緊要放低，放唔低就冇辦法」。而他不時會與舊街坊相互訴苦，因大家了解對方心情。
對於災後政府提出的回購方案，黃表示「失望」，但不願補充原因，又指原址重建的可能性「唔使諗」；質疑政府或想收回地皮，幾年後再賣予發展商用來興建臨海豪宅，「賣番百幾億，幾好啊」。不過對於政府提出的回購價，他則認為中肯，不算高也不算低。
即使市民對火災及政府災後安排怨聲載道，但黃表示，居民的不滿根本無從發洩，「唔通去打佢咩」，又指大家只是悲慘市民，無法揣測政府的想法，任憑政府安排，即使「派間老人院畀我都要住㗎」。