2015-09-08
太陽報
發展商推盤陣容不停壯大，地政總署尋日公布最新數字，原來上個月又有3個住宅新盤連環入紙申請預售樓花，夾埋有676伙，當中以會德豐地產?屯門掃管笏項目規模最大，提供460伙，截至上月底共有13,884伙待批預售，創二十七個月新高。另新世界（00017）等上環德輔道西項目尋日預早公布命名BOHEMIAN HOUSE，估計出年首季開售。
劉Sir尋日細閱地政總署公布資料，發現上個月共有3個住宅新盤入紙申請預售，包括會德豐地產?屯門項目、南豐等沙田九肚項目同埋百利保（00617）等長沙灣順寧道項目，分別提供460伙、61伙及155伙。
BOHEMIAN HOUSE明年推
至於上個月只有1個住宅新盤獲批預售樓花，就係信置（00083）?西半山The Fairmont，呢個盤提供27伙，估計最快今個月開售。截至上月底，共有28個住宅新盤待批預售，夾埋13,884伙，創二十七個月新高。
美聯同劉Sir講，喺今年頭八個月，已經有13,467個單位申請預售樓花，比舊年全年就多出咗16.7%，創咗三年新高，新申請之中佔咗九成半單位?樓花期長逾二十個月。
近排發展商亦都積極部署開售唔受預售樓花計劃規管?新盤，好似新世界同恒地（00012）合作?上環德輔道西321號項目，尋日預先公布命名為BOHEMIAN HOUSE。
呢個盤鄰近港鐵西營盤站，提供191伙，住宅部分總樓面有成9萬方呎，單位間隔多元化，提供開放式去到三房戶，主打一、兩房間隔，基座設兩層商舖，涉及樓面約1.5萬方呎。
發展商依家積極籌備市場推廣同埋部署銷售，預計明年首季開售。項目毗鄰?新盤維港峰，平均呎價約2.3萬元。
環海．東岸平均提價2%
另一方面，九建（00034）市務及銷售部總經理楊聰永同劉Sir講，紅磡環海．東岸已售327伙，套現約14億元。
該盤尋日加推全新價單涉及106伙，價單平均呎價20,005元，折實平均呎價17,204元，部分單位加咗價，平均加幅約2%，最高加幅近4%。嚟緊有機會再加推同安排喺周末進行次輪銷售。