2026-04-18
東方日報
近日二手住宅交投量顯著上升，市場大量盤源被吸納，拖累樓市交投步伐。有地產代理指出，今、明兩天50個屋苑睇樓量回落約1.4%，按周減少約20組睇樓客。
利嘉閣地產研究部主管陳海潮表示，二手樓盤盤源補充不足，加上有多個一手新盤推售，分薄部分二手客源，今、明兩日二手屋苑預約睇樓量減少。根據該行數據估算，全港50個指標屋苑共錄1,360組客戶於周末預約睇樓，較上周末的1,380組為少。
按地區劃分，港島、九龍及新界3區指標屋苑今、明兩天預約睇樓量全線回落，其中，九龍區21個指標屋苑暫錄約485組客戶預約睇樓，按周減少約2%。該公司郭永峰表示，周末荔枝角美孚新邨的睇樓量有約65組，較上周減少約7%。他補充，早前樓市熾熱，消耗大量優質盤源；現時區內買家看重樓盤質素，加上未適應樓價升幅，遂拖慢成交。而區內二手樓盤缺乏，令業主叫價非常強勢，買家不願追價下，雙方持續拉鋸。
嘉湖錄110組 升5%
港島區方面，8個指標屋苑周末暫錄約240組客戶預約睇樓，按周減少約2%。利嘉閣丁培鴻指出，4月上半月鰂魚涌太古城暫錄約15宗成交，較上月同期放緩。他又稱，成交呎價也較上月為低，主要是本月交投節奏放慢，有部分二手業主稍為放寬議價空間而促成交易；周末該盤有約70組預約睇樓，按周未有變化。
至於新界區21個指標屋苑，周末暫錄約635組預約睇樓，按周減少約0.8%。該行蕭啟諾透露，雖然近日一手市場熱鬧，但因樓價與區內不同，對天水圍二手影響不大，區內嘉湖山莊睇樓及交投仍不俗，周末錄約110組睇樓，按周多約5%。本月至今該盤暫錄約22宗成交，其中優質盤源迅速獲承接，市價盤源亦開始減少，業主則接近零議價，個別更臨場稍為加價。