2026-04-03
東方日報
踏入復活節及清明節一連5天假期，部分市民外遊或回鄉祭祖，對市場睇樓活動構成影響。代理指出，長假期全港50個指標屋苑預約睇樓量共約2,175組，當中，周六、日錄約1,360組，按周減少約1.8%。
利嘉閣地產研究部主管陳海潮表示，樓市一、二手交投持續暢旺，不少放盤業主看好後市而叫價硬淨，睇樓活動雖受到節日氣氛影響，但仍有部分買家留港趁假日睇盤，故周六、日的睇樓量僅輕微下跌。
鯉景灣僅15組 縮25%
以周末兩日進行比較，3個主要地區預約睇樓量均按周減少，以港島區8個指標屋苑跌幅最大，較上周末下跌約4%，最新報約240組。期內西灣河鯉景灣及同區嘉亨灣，相關預約數字按周同下挫約25%及約20%，分別僅錄約15組及約20組。該行劉信文表示，樓價向上，現時嘉亨灣及區內屋苑缺乏市價放盤，大部分需要買家追價才獲業主接受，加上部分市民離港外遊，導致睇樓量受壓。
至於九龍區21個指標屋苑於周末兩日預約睇樓錄約485組，亦按周減少約2%。其中，大型藍籌屋苑紅磡黃埔花園佔約40組，下挫約11%，利嘉閣余美寶稱，屋苑盤源經過一輪消化，開始出現缺盤情況，業主叫價亦較之前調升約一成，買家需要時間接受價格升幅，影響睇樓及交投表現。
新界區21個指標屋苑預約參觀數字相對平穩，周六、日合共約635組，按周只跌約0.8%。期內沙田第一城、天水圍嘉湖山莊、荃灣愉景新城等大型屋苑，預約睇樓量均與上周維持不變。該行許喜龍表示，荃灣屋苑樓價較外區低水，與銀行估價貼近，睇樓量可保持穩定水平。