私家車攔腰撞 Tesla甩轆

【本報訊】荔枝角發生車禍。前日晚上7時許，一輛Tesla電動車由荔枝角道轉入大南西街，駛至長裕街交界時，遭一輛白色私家車攔腰撞及。車禍發生後，私家車車頭嚴重受損，Tesla車身被撼爛，有後轆飛脫，路邊鐵欄亦被掃毀。姓鍾（46歲）Tesla司機報稱頸痛，同車一名10歲男童則被玻璃碎片擊中眼部，二人俱由救護車送院治療；姓洪（51歲）私家車司機無恙，留在現場協助調查。 有「車Cam」拍下意外經過，顯示私家車沿長裕街往荃灣方向行駛，駛至出事路口時未見減速，直接攔腰猛撞Tesla右車身。捱撞Tesla隨即「打白鴿轉」撼向鐵欄，險剷上行人路，3名途人嚇至雞飛狗走，慌忙閃避及拔足跑離現場。Tesla餘勢未了，掉頭滑行一段路後橫亘路中，私家車則停在遍地碎片之間。片主看見驚險場面後，忍不住發出「嘩」一聲。 現場所見，長裕街路口劃有白色讓線，司機有責任慢車或停車，看清楚交通情況才駛出。影片惹來網民熱議，有人怒斥私家車司機「呢啲×街就應該永久停牌」、「睇都唔睇讓線直出有料，Tesla已經見到有反應都避唔到」、「癡×線，讓線唔收直撞人哋，究竟香港人識唔識揸車架（㗎）？識？，不過係唔識規矩」及「似畀人買起咁，唔死都重傷」。另有人力排眾議稱，「兩個都抵×死，一個喺內街開咁×快，一個讓線唔停直出，兩個都係×街嚟」。