宏福苑5級大火的慘痛教訓猶在眼前，但是近日仍有市民無視消防安全，斗膽在大廈後樓梯燒衣，稍有閃失可能引發大災難！網民上傳的影片顯示，涉事者使用的化寶盆燒得火光熊熊，濃煙從敞開一半的防煙門傳入左鄰右里的住所。片主聯同大廈管理員嘗試制止，惟燒衣男始終「企硬」不願意配合，大家你一言我一語，直至片末依然陷入僵局。事件引起網友嘩然，異口同聲呼籲片主報案處理，切勿姑息。
社交平台昨日流傳一條影片，攝下一名男住戶在大廈後樓梯用化寶盆燒衣，當時梯間火光熊熊，濃煙瀰漫，而他身後的防煙門半開，導致煙霧四散。片主疑為該大廈的女住客，她聞到燒焦味後前往查看，得悉情況後通知管理員上樓處理；影片亦見到管理員手持一桶水在旁戒備，片主則在鏡頭外對燒衣男曉之以理：「唔可以咁樣呀！法例規定唔可以喺大廈燒衣呀！」
當管理員試圖潑水將火弄熄時，燒衣男示意不用，並解釋稱「我睇住佢燒呀！」片主亦再指出「法例係唔容許做呢樣嘢，你睇住都唔可以呀！」
此時，燒衣男嘗試「以退為進」，耍手稱「燒埋今日唔燒」，然後狀甚激動地制止管理員淋熄火頭。管理員感到為難，無奈望向片主方向「求救」，片主於是仗義出言：「嗱！唔可以咁樣呀，你大聲，唔可以咁樣鬧管理員呀！我有晒影片，我真係報警呀咁樣，（宏福苑火警）咁大教訓你都唔聽！」燒衣男疑自知理虧，良久無言以對，只是默默地手持鐵棒撩動化寶盆；管理員不敢掉以輕心，繼續守候在旁，並強調會「等佢熄咗先走」，片段至此完結。
事件曝光後，不少網民都對涉事住客的行為感到極度憤怒，紛紛留言：「根本就係要報警，我住嗰度都試過咁樣」、「攞條片，去報警處理」、「直接攞個滅火筒一嘢噴熄佢，再報警。仲同佢講講講，未（咪）傻la（喇）……」、「應該大廈管理處要安排一個地點專用燒衣紙，並貼通告於每一層大堂同地下大堂，唔係只會繼續有老人家咁做」。