皇后山邨乏配套 籲「多留意基層需要」

【本報訊】粉嶺皇后山邨早前發生食水現黑色沉澱物事件，本報記者於昨早10時許到該區視察，多名市民希望日後不再發生食水質量事件，亦有人指當區交通不便，區內至今仍未有中學，冀當局可以「多啲留意基層市民需要」。 居民祝小姐提到，當區交現時仍相對不便，而區內交通規劃亦有待改善，舉例指皇后山邨巴士總站對出馬路附近，亦是小巴車站，附近又有小學及商城，人多車多，但現時只有安全島，認為「整個紅綠燈會好啲」。街坊李小姐亦希望改善交通，包括增加巴士路線以便出行。提及今年中的食水含瀝青事件，她指事發後「搞到屋企要買好多濾水器，有一排都要出街食飯」，非常不便，希望日後不會再次發生同類事件。 戴先生與妻子及女兒同樣認為當區交通有待改善，例如加設前往香園圍口岸的車站，「去蓮塘啲車最好屈一屈入嚟，等啲人唔使行出去等車咁辛苦，依家愈嚟愈多人過關消費」。此外，政府於今年9月起取消為中小學和幼稚園學生提供的每年2,500元學生津貼，戴太感慨「真係感覺好唔舒服㗎，希望可以再派番」。 市民司徒先生則表示，當區目前只有兩間小學，仍未見有中學，「所以呢兩間小學啲學生之後就會好慘，要出咗呢個範圍先有間中學畀佢哋揀，呢個（情況）我諗喺全香港係甚少嘅」。他認為，區內學校應包括幼稚園、小學及中學，惟情況由入住至今已持續3年，希望日後當局可以盡快解決有關問題，「多啲留意基層市民嘅需要」。