2015-05-19
太陽報
港人熱愛賽馬，對可望馬場景的居所特別情有獨鍾。鄰近港鐵火炭站的三個私人屋苑，其實不乏馬場靚盤選擇，樓價豐儉由人。三房單位可揀駿景園及御龍山，逾千萬元起有交易，前者景觀取勝，後者有豪華會所，各有捧場客。而銀禧花園就最親民，兩房戶610萬元起錶。
駿景園佔地利門檻較高
想望高清馬場景，首選對正沙田馬場的駿景園，是上一代的新界樓王級屋苑，雖然樓齡已屆二十年，但勝在位置搭夠，10座物業的前排單位對正馬場，安坐家中可觀賞馬匹奔馳，場面壯觀。
三房戶叫1230萬
美聯陳國志表示，屋苑望馬場單位主要為三房戶，入門盤為10座中層三房戶，實用面積1,039方呎，叫價1,230萬元。
御龍山樓齡新收租客撐
與港鐵火炭站一馬路之隔的御龍山，樓齡七年，屬這帶最高檔及最新的屋苑。物業各座前排單位為三、四房戶，因只側望馬場景，景觀難免扣分。
股旺帶動交投增
代理指，股市大旺，套股換樓效應帶動上月屋苑勁錄13宗買賣，按月倍升。現時，馬場景放盤是收租客持有居多，不少業主均「唔憂賣」。而目前較抵買的為5座低層單位，實用面積773方呎，叫價1,000萬元。
銀禧花園享雙景價親民
在火炭一帶想「平平哋」望靚景，老牌屋苑銀禧花園是不二之選。屋苑除了具備鄰近港鐵火炭站及自設商場等優勢外，最吸引馬迷的地方是1至8座的C、D、E、F室兩房戶，可望馬場景及城門河，亦是這帶唯一細戶供應。
樓王單位放盤少
美聯陳春輝表示，這類樓王單位現時只得3、4個放盤，業主叫價進取，最平為3座高層戶，單位實用面積510方呎，叫價610萬元，貼市價。
沙田社區配套足
火炭一帶社區配套不多，但因離沙田市中心不遠，住戶搭五分鐘車即達，消閒、搵食相當方便。若想睇戲、Shopping，首選新城市廣場，近年改頭換面走年輕人路線，百貨公司以至服裝、化妝、精品等潮流店舖一應俱全，帶給顧客非一般的購物體驗。
食肆戲院啱消閒
行到倦最好不過在商場內的美食廣場「醫肚」，中、西、日及泰式美食任君選擇，叫人食指大動，歎餐飽後更可順道往旁邊的戲院睇場戲，盡情享受歡樂時光。
另外，商場內亦建有一個佔地3,700方呎以Snoopy為主題的戶外樂園，帶小朋友去親子樂就最啱。商場旁邊更是沙田大會堂所在，舉辦不同類型的文娛康樂活動，睇Show樂滿Fun。
而不遠處的香港文化博物館，是香港最大的博物館，定期舉辦不同的專題展覽，大人細路都啱睇，是假日消閒的好去處。