2025-10-23
MingPao
【明報專訊】有份營運青年宿舍嘅香港青年聯會，將會同香港各界青少年活動委員會推出名為「Youth Common」青年客廳，地點喺深水埗，預計每年受惠人數唔少於2000。青聯話，希望計劃可以鼓勵同支援青年拓闊人生發展路徑，協助佢哋累積經驗同人際網絡，客廳並有隔音嘅創作房，可以畀後生仔女拍片「追夢」。青年客廳主要分4部分，包括延展生活空間、創意實踐平台、職業技能支援、社區參與。青聯主席蔡曜陽話，到時青年客廳會有咖啡廳、共享工作空間，以及隔音創作房，其中隔音房可以畀後生仔女拍嘢，希望佢哋透過多元化嘅設施去追夢，而青聯就會提供不同增值服務、發展支援、身心靈輔導等多元化活動。適逢下月全運會舉行，青聯會安排會員現場觀戰，包括由香港承辦嘅籃球賽同七人欖球賽，希望激勵更多青年投入運動，見證體育盛事。相關字詞﹕蔡曜陽青年客廳青聯