【Emily】馬料水新渡輪碼頭啟用

【明報專訊】香港唔少街渡碼頭有幾十年歷史，政府2017年推出「改善碼頭計劃」，重建或增建公共碼頭，而喺沙田科學園路馬料水三號梯台旁邊嘅「馬料水新渡輪碼頭」噚日啟用，兩條本身用梯台上落客嘅街渡航線，即係馬料水-荔枝窩、馬料水-吉澳／鴨洲周六（13日）起改用新碼頭，而馬料水-塔門、馬料水-東平洲兩條航線就繼續用附近嘅舊碼頭。