2015-11-16
太陽報
市區重建局今季推出兩個重建項目，其中規模相對大一些?馬頭角九龍城道重建項目會喺聽日截收發展意向書。呢個項目預計提供約莫216個單位，已經係近一年以嚟伙數最多?市建局項目。而項目有未來沙中線?優勢，有測量師老友估計項目可以收到20幾至30份意向書，而項目?估值分歧頗大，介乎約7.37億去到12.9億元不等。
政府早排公布咗會喺本季推出兩個市建局項目，劉Sir知道，聽日截收發展意向?九龍城道/上鄉道重建項目，地盤面積大約1.49萬方呎，住宅樓面就約莫11.17萬方呎，將會提供大概216個住宅單位，另會有大約2.23萬方呎商業樓面。
至於另一個深水埗海壇街「蚊型」需求主導項目就經已喺較早時間推出，並將於下月八日截標。呢個項目喺海壇街205至211A號，佔地只係4,553方呎，預計可建總樓面約40,946方呎，只係提供69伙，今年十月嗰陣收到22份意向書。
提供216伙 反應料熱烈
劉Sir知道，市建局喺過去一年合共推出咗5個住宅重建項目，但多數係提供幾十至百多伙?蚊型發展，所以九龍城道項目提供216伙，已經係過去一年規模最大?市建局項目。
市場就覺得呢個項目聽日截收意向書會有唔錯?反應，老友理想城市張聖典就話，項目將來擁有鐵路沿線優勢，加上呢區具有重建概念，都幾有發展潛力，對發展商嚟講都有一定吸引力。
佢估計可以收到20幾至30份意向書，預計每方呎樓面地價大約5,500元，計番成個項目估值大約7.37億元，而市場?最高估值約為12.9億元，計番每方呎樓面地價大約9,621元。
同區多舊樓 二手市呆
呢個地盤鄰近一帶物業以舊樓為主，而主要屋苑就只係得土瓜灣翔龍灣及傲雲峰，受到鄰區新盤銷售影響，最近二手買賣表現比較呆滯。
老友中原葉文浩話，翔龍灣同埋傲雲峰今個月合共有約5宗成交，翔龍灣佔咗4宗，最近叫價回軟，屋苑平均實用呎價約1.3萬元，比起之前跌咗約1,000元。