【Emily】田二少啟德睇枱波 中場去廁所一肚氣

【明報專訊】啟德體育園舉行緊嘅世界格蘭披治桌球大獎賽鬧出「趕客」風波，立法會議員田北辰同大佬田北俊前晚一齊去睇波，又發生小風波。事緣賽事期間田二少及部分觀眾離場去廁所，返回時被工作人員阻止，田二少仲拍埋片，見當時有個女士好不滿，同工作人員爭論。田二少話明白唔同賽事都有規則，避免觀眾進出影響賽事，但批評現場人員事前無講明，又無顯眼告示提醒。