【Emily】新光戲院今結業 市民作畫送別 江玉歡：發展代價留唔住半點歷史

【明報專訊】屹立北角半世紀嘅新光戲院今日（3日）結業。Emily噚日到現場觀察，見到唔少男女老幼都喺度打卡，新光戲院「全院滿座HOUSE FULL」旗、投幣磅重機、門外霓虹招牌等都成為拍攝目標；亦有人喺戲院門前畫畫，記錄新光戲院最後時光。營運新光戲院12年、「盛世天」戲劇團創辦人李居明噚日喺社交平台facebook表示，噚日下晝有40幾名市民一齊到新光畫畫，形容場面感人、香港有情。