2015-08-28
太陽報
近排二手樓市好似畀人點咗穴咁，就算係用家主導?居屋市場都好冷清，不過雖則成交唔多，但係口價仲好硬淨，最近又有新高價出現。其中沙田居屋愉翠苑三房自由市場賣咗728萬元，追平咗屋苑保持?售價紀錄，成為新界最貴居屋單位之一。至於北角健康村都有單位以468萬元自由市場價賣咗，實用呎價14,268元，相信係港島區居屋呎價次高。
劉Sir收到風，新界居屋王愉翠苑又做出新高價，今次單位係M座中層5室，實用面積663方呎，以自由市場價728萬元登記成交，計番實用呎價約莫10,980元。
月內註冊量值齊跌
今次呢口成交價，追平咗屋苑B座中層2室喺三月初以自 由市場價728萬元登記售出?售價紀錄，雙雙成為新界最高價居屋單位。
至於上述北角健康村康欣閣高層E室，實用面積328方呎，自由市場成交價468萬元，實用呎價大約14,268元，料為港島區居屋呎價次高紀錄。
香港置業報告就提到，今個月至今，二手居屋註冊量只有279宗，比上月同期少咗12%，總值暫錄10.8億元，按月同期亦少約13.2%。不過，該行伍創業預計，新一批白居二接受申請，相信可為市場注入新動力。
劉Sir同老友中原黃良昇傾開，知道最近公屋成交都幾淡靜，佢話今年七月份?公屋第二市場買賣成交只係得大約14宗，總成交額約莫2,788.1萬元。
公屋綠表買賣挫72%
對比番六月份錄得?51宗同埋1.04億元，足足減少咗大約72.5%同埋73.2%，宗數同總額仲創埋近五個月?低位。
黃良昇話交投減少，反映股市波動，二手樓市氣氛放緩，市民買樓意欲都減慢咗，所以公屋第二市場交投回落咗。用成交金額劃分，期間冇任何樓價250萬元以上?成交個案，而200萬元以上至250萬元?成交佔8宗最多，但按月比較都減少一半。
而上個月買賣成交金額最高個案係黃大仙竹園北邨一個低層單位，成交價齊頭250萬元，其次藍田德田邨中層單位就以234.3萬元賣出咗。