2015-05-14
太陽報
幾十年以來，陪住港島東區居民成長?商場，主要係太古城中心商場同康怡廣場等，等咗好耐都未有具規模?新商場。尋日新地代理租務部總經理鍾秀蓮同劉Sir講，佢哋前北角邨項目商場部分啱啱命名為「北角匯」，商場呎租最高可達300元，集團旗下一田百貨亦有機會進駐。若成事，一田係首次過江，將會挑戰喺康怡廣場屹立咗近三十年?AEON在該區地位。
新地鍾秀蓮話，前北角邨地皮綜合發展項目?商場零售部分，正式命名為「北角匯（Harbour North）」。
一田或過江進駐
佢仲話，商場總投資額達32億元，招租階段宣傳費約1,000萬元，並已開始預租，目前有超過100個零售商戶有意承租，集團旗下一田百貨有機會進駐。
劉Sir知道，一田進駐，將會挑戰康怡廣場AEON?地位，事實上，商場業主恒隆地產（00101）亦有意優化旗下商場，當中包括康怡廣場，到時商戶組合有可能出現變數。
鍾秀蓮同劉Sir講，北角匯零售樓面面積共約22萬方呎，包括住宅部分商場約14.6萬方呎，同埋酒店部分商場約7.4萬方呎，分別樓高四層同五層，總共提供約120至130間舖，商舖面積約150至1.4萬方呎，意向呎租60至300元，其中食肆意向呎租約60元。
佢話第1期商場係臨街部分，樓面約8,000方呎，最快一七年次季落成，第2期最快一八年首季落成。首年商場年租收入約1.7億元，每呎生意額800至1,000元，目標客群包括區內居民、上班族、旅客等，相信本地客佔七至八成生意額。而商場商戶組合以時尚服飾佔三成半最多，而鐘錶珠寶只佔約5%，仲有美容化妝、生活用品及超市和影音視訊。
銅鑼灣舖鬥劈租
街舖租金撐唔住，中原梁偉傑話，銅鑼灣怡和街2至6號地下2號舖以78萬元招租，低意向22%，較舊租88萬元亦低11%；同號數地下5號舖連閣樓及一樓，以120萬元招租，較去年叫租降25%。
另外，美聯黃璜話旺角中心商廈有新高呎價成交個案，一個16樓11室單位，面積約670方呎，以呎價23,134元賣咗，相信係九龍區?寫字樓新高，單位成交價接近1,550萬元。
劉Sir