2015-05-12
太陽報
本港樓價保持升勢，特別係需求龐大?中小型單位，升吓升吓都變晒中價樓。劉Sir知道，今年第一季賣出?實用面積約431至752方呎中小型私人住宅，平均每宗成交金額約莫587.65萬元，按季升咗8.2%，其中新界同九龍區?同類成交平均價格分別突破瓶頸，首度升穿500萬同600萬元關口，報約507.54萬及617.22萬元，都按季升咗約7.1%同埋約7%咁多。
劉Sir老友中原黃良昇話，唔計村屋、公屋、居屋同埋夾屋呢幾類單位，今年第一季所錄得?實用面積431至752方呎中小型二手私人住宅成交個案，平均成交價約莫587.65萬元。
港九中細戶同升7%
黃氏仲話，呢個成交價水平比起舊年第四季?543.13萬元，明顯升咗8.2%，仲連升咗6個季度，累積升幅達約23.5%。
不過今次重點係新界區同類中小型單位，平均售價原來已經升穿咗「五球」，呢類單位喺第一季?平均售價約莫507.54萬元，對比舊年第四季?473.69萬元，明顯升咗約7.1%，仲形成連升5季?強勢，累升大約21.4%。
期內九龍區同類單位平均價格都升咗約7%去到617.22萬元，首次升穿600萬元關口，至於港島區同類中小型戶平均售價同樣出現約7%漲幅，首季平均售價約為762.19萬元。
珀麗海怡高價易手
其實，最近呢類單位都錄到唔少高價個案，中原溫明峯同劉Sir講，馬灣珀麗灣23座中層E室，實用面積大約490方呎，享有內園景，啱啱以528萬元同類高價賣咗，實用呎價約莫10,776元。
另該行盧鏡豪話，海怡半島12座高層H室細三房以1,258萬元售出，實用呎價16,274元。
此外，近期積極收購舊樓?恒地（00012）再次出手，就深水埗南昌街210及212號入稟申請強拍，睇返土地審裁處?文件，申請人持有項目約87.5%業權，現有物業估值大約6,127萬元。
劉Sir