2025-10-11
oriental
【本報訊】網上流傳有一條驚險的「車Cam」影片，顯示在本周三（8日）晚上6時41分，一輛客貨車沿大埔公路沙田段往沙田方向行駛，至近九龍水塘對出一彎位時懷疑失控，越過對面行車線。適時，一輛往九龍方向的載客的士沿快線行駛，的哥隨即響按示警及扭軚閃避，幸好眼明手快，避過兩車迎頭相撞。
片主在貼文留言，「爭啲喺大埔道收皮，的士車Cam差影唔到車牌，舉報唔到佢。之後後面個客話佢錯晒，做咩要避唔畀佢撞，我答唔想賺埋啲咁嘅錢，咁樣迎頭撞可以直接GG（玩完）」。
網民紛紛留言鬧爆該名的士乘客：「個客都on×嘅！炒咗車佢有乜着數？分分鐘成為十八年後的好漢！」、「個客唔識揸車啦」。另有人指出「正常司機一定係避，直頭係反射動作添呀」、「直撞分分鐘無命，梗係避得就避」，亦有網民稱，「呢啲唔做（舉報）唔得啦！好彩避到無事！下載（車Cam片）落嚟應該睇到車牌！」