赤腳男唔識死 踩下層機頂整冷氣

【本報訊】前日晚上有網民上載一條亡命漢維修冷氣機的影片，該片長45秒，片首見一名相信維修冷氣的男子綁上安全帶在高層一單位外牆，他赤腳危站在下層的窗口式冷氣機頂部，屋內另有一名男子協助，赤腳男把冷氣機散熱器移回承托架。拍片者稱「嘩！踩住人哋部冷氣」，身旁女子亦「嘩」一聲，男子續說，「邊度承受到呀，佢咁樣踩住」，女則問男子「邊個嚟呀？整冷氣呀！」男回覆稱「佢跌咗個冷氣落嚟吊吓吊吓。」，片段亦至此完結。 片主亦附上一張相信為涉事大廈外牆冷氣機散熱器吊吊揈的相片，冷氣機散熱器被強風吹至搖搖欲墜，故有人在上址進行維修。執法部門指，前日早上8時許接報，何文田自由道2號大廈高層有冷氣機在危險位置。警員到場時，冷氣機已被固定。 有網民睇片後紛紛留言，「嘩！下面部冷氣機好危險喎，承唔承受到佢呢？」、「有安全繩都好危險，踩住樓下部冷氣機，隨時害人哋部機跌落樓」，有網民奉勸「條命唔夠搭個棚貴」、「打咁大風，部機跌落街都冇辦法，冇着鞋赤腳滑倒就一世，打死我都唔出去整」、「幾千蚊搵命博，樓下部冷氣機架都踩到斜咗」、如果喺香港，業豬（主）最少慳咗搭棚錢，不過條友飛咗落街間屋唔使賣」。