街市「搶糧」眾生相 淡定街坊：做咩咁緊張

【本報訊】超強颱風「樺加沙」來襲，眾多市民昨晨趕在掛8號波前到街市、超市「最後一擊」，選購蔬果、海產及鮮肉等，準備昨晚及今早風暴吹襲期間在家「煮飯仔」。街市大多數攤檔繼續營業，食品供應亦充足，有攤檔以「聽日都咁生猛」推銷鮮活海產，而蔬菜售價則較平時高。有檔販坦言來貨價貴了「迫於無奈」都要相應加價，菜心苗貴了4元。 本報記者昨日早上前往屯門一個街市視察，在3號風球期間，全場只有零星菜檔及海鮮檔沒有開店，大多數店舖都準備好新鮮蔬果、肉類，等待客人選購。持續有街坊「急急腳」入內買餸，人流明顯較平日多，有魚店以「聽日都咁生猛」推銷活魚，而離開的人都大包細包，滿載而歸。不過，亦有街坊沒因風暴而多買食品回家，淡定笑稱「打風咪打風，做咩咁緊張！」 縱使食材供應未算太緊張，但部分售價卻已上漲，例如菜心苗每斤售20元。檔販說雖然昨日仍有貨到，但來貨價貴了，無可奈何都要加價。她又透露因為打風，最近兩日生意較平日旺。 另一方面，兩間超市的蔬菜架經前日搶購潮後，昨日似乎未及補貨，繼續幾乎清空，只剩苦瓜等小量菜款，貨架旁邊放了一個個紙箱，部分箱面寫上急凍意粉、杯麵，相信食品供應尚可，只待店員擺放在貨架上銷售。