2025-11-08
ming
【明報專訊】立法會選舉提名期前日結束，選委會界別由50人競逐40個議席，唔少係新人。政府噚日公布「物業管理業監管局」成員名單，包括6名新成員，咁啱其中一個係已報名參選選委會界別嘅范凱傑。對於此刻政府公布新公職對選舉有無影響，范凱傑話不便回應，要交由政府統一回答。民青局及民政事務總署回覆話，相關委任程序喺多個月前展開，物監局新任期由今年12月1日起生效，所以喺新任期前公布，又話政府以「用人唯才」原則委任物監局成員。政府：委任程序多月前展開有公營機構人員同Emily講，知道選舉在即，喺可行情况下，若要公布任命或搞活動都盡量避開選舉，以免畀人唔公平嘅印象，但強調唔可以一概而論。物監局成員由特首委任，任期3年。物監局係根據《物業管理服務條例》成立嘅法人團體，主要職能係透過發牌畀物管公司及物業管理人、規管及管制物業管理服務等。政府噚日公布再度委任黃江天為物監局主席。范凱傑本身係大律師，已有多項公職，包括社工註冊局委員、旅遊業監管局委員等。選委會參選人名單詳見https://www.elections.gov.hk/legco2025/pdf/ECC_c.pdf相關字詞﹕物監局范凱傑選委會界別立法會選舉立法會選舉2025