2025-10-29
ming
【明報專訊】人工智能（AI）時代下，馬迷都有數據參考新工具。事源香港電訊（6823）推出大模型「AI神數」，號稱融合傳統玄學與AI技術，透過私人大模型、深度分析大數據，為用戶提供準確賽馬資料，仲可避到AI幻覺。據聞目前呢個模型已經喺香港電訊旗下Now TV應用程式推出，用家可免費試用，試用期就去到12月8日。免費試用至12月8日「AI神數」屬香港電訊自研項目，入面有埋6年完整賽馬數據，評估參數包括馬匹血統及狀態、往績等，仲有練馬師及騎師生日，更搵埋易學家侯天同參詳。噚日發布會上，香港電訊個人業務行政總裁林國誠就話，見到唔少馬迷本身就鍾意「刨馬經」，相信呢個新工具都為馬迷提供到新思路，兼更有效率。全運會彭館 手機網速快2.5倍有關業務基本盤即電訊業務最新進展，林國誠話，見到第十五屆全運會將至，為確保賽事舉辦場所內數據使用通暢，已經喺啟德體育園、紅磡體育館及將軍澳香港單車館3個比賽主場館完成網絡覆蓋，手機流動數據傳輸回程線路（Backhaul）升級至可支援25Gbps，較現時市面上提供嘅10Gbps快2.5倍，相信能提升用家喺上述場館、尤其係觀衆較多時嘅數據使用體驗。financepage@mingpao.com[小琴密語]相關字詞﹕練馬師賽馬啟德將軍澳啟德體育園單車人工智能香港電訊小琴密語