2024-09-24
明報
【明報專訊】啟德體育園工程如火如荼，趕喺年底做測試賽。立法會鞏固及促進九龍東第二核心商業區?相關政策事宜小組委員會成員噚日就去咗參觀，小組主席鄧家彪話見到主場館已鋪滿座椅，亦裝咗音響，見到場館內有大型LED屏幕等設備，形容「似模似樣」。佢又代體育園公布園區有八成商舖已租出，計劃喺12月聖誕檔期前開業。
多個去參觀?議員都關注5萬人主場館?人流管理及交通。民建聯顏汶羽話，單靠屯馬線鐵路唔夠，巴士、小巴甚或渡輪都應該喺疏導計劃之內。鄧家彪話獲告知場館有3個主要通道，當局會考慮喺演出日子增設特定巴士專線接載觀眾。
議員話交通唔夠 港鐵：會配合
港鐵就同Emily講，一直同相關部門及啟德體育園保持緊密溝通，會全力配合，就體育園將來舉辦?唔同類型活動對服務同車站各類人流安排需求，會作相應安排配合。
議員陳沛良就話，明年第15屆全運會部分項目會喺體育園舉行，場館亦將有國際巨星開演唱會，體育園對香港文體旅發展發揮重要作用。