2015-04-13
太陽報
七十後夫婦冼生冼太目前與家人居於屯門，近日四出睇樓，正物色400萬元以下的筍盤，坦言市區樓又貴又細，入場銀碼細的天水圍區成為兩公婆的上車天堂。
冼氏夫婦表示，「閒時會跟隨朋友睇樓，累積的經驗對睇樓有幫助，雖然300餘萬元仍然有貨揀，但單位質素相對較差，左執右執反而不划算，廁所、廚房成日會用，唔執點得？」
睇樓回升 六成觀望
至於會否今年入市，兩人指要考慮很多因素，料今年樓價不會跌也不會大升，「等樓價跌有排，計掂數又啱價會考慮，但並不會倉促上車。」
祥益蕭嘉偉稱，雖然多了睇樓客，但逾六成抱觀望態度，故周末交投量並無大升。該行謝利官表示，受股市利好消息帶動，估計今年樓價會穩步上揚，由於現時業主叫價強硬，故暫時旺丁不旺財。