2024-03-04
明報
【明報專訊】政府2011年提出青年宿舍計劃，過去約12年有兩個項目落成，包括「保良局李兆基青年綠洲」。保良局噚日為「青年綠洲」舉辦開幕禮，政務司長陳國基其後喺facebook話，興建青年宿舍係解決青年住屋問題?「不二法門」，又話青年係香港?未來瑰寶，現屆政府會盡力畀年輕一代睇到曙光同向上流動?機會，「為他們成長成才創造更多機會」。
「青年綠洲」係青年宿舍計劃至今最大?項目，提供約1680個宿位。首批租戶舊年5月起陸續入伙，合資格青年可以住最多5年，現時住戶有超過一半、即57.7%?年齡介乎26至31歲，21至25歲?佔39%，18至20歲則佔3.3%。佢哋要交市值一半租金，以199至240平方呎?二人房為例，租金約3100至4200蚊。
除咗住宿，保良局亦為住戶安排超過120項活動，包括職涯增值培訓課程、生活技能訓練、義工服務等，超過2300人次參與。青年綠洲由恒地捐地興建，恒地主席李家誠話好高興見到呢度唔止係居所，仲係年輕人?發展平台，期望佢哋利用多元化?設施同服務，培養創新思維、拓展人脈、回饋社會。