【Emily】前永安學校改建 元朗過渡房動工

【明報專訊】元朗有村校校舍變身過渡房屋，位於元朗大樹下西路?前永安學校去年獲准改建過渡房屋，項目由香港青年事務發展基金會營運，噚日舉辦動土禮，由房屋局長何永賢同數名立法會議員主持動土儀式。何永賢話曾探望劏房家庭，小朋友每日都問幾時可以搬走，而父母既掛住仔女成長，又要負擔高昂租金；搬到過渡房屋後整個家庭都有所不同。 何永賢話部分家庭起初憂慮環境偏遠，擔心交通問題，但愈來愈多個案反映，小朋友容易適應新學校，家長亦好快喺附近搵到兼職或長工。佢又希望下年第三季基金會邀請佢「幫居民收鎖匙」，睇到居民能夠開心入伙，趕及過下一個快樂?中秋節。 料明年第三季竣工 立法會選委界別議員陸頌雄出席動土儀式後，喺facebook表示「好榮幸參與」，期待項目順利落成後可以為居民提供一個安樂窩。負責營運項目?香港青年事務發展基金會，就喺基金會網頁話會以「社區為本．共渡未來」作營運理念，希望居民積極參與社區服務回饋社會。基金會話項目只提供228個單位，但房屋局就預計可提供約261個單位，供約523住戶入住。項目預計明年第三季落成。