鑿穿牆震全城首都睇樓量急挫5成

將軍澳日出康城「首都」有單位鑿穿主力牆事件曝光後，直接影響屋苑二手睇樓量急挫。區內代理透露，事件曝光後首都睇樓量急挫5成，其中涉事的第6座，睇樓活動更全面停頓，出現「零睇樓」情況，但該屋苑業主普遍持觀望態度，暫時不急於減價求售。 第6座零睇樓 未見割價求售 區內代理透露，由於首都鑿穿主力牆事件引起全城關注，現時整個首都睇樓量急跌5成，其中事件「主角」的第6座，目前睇樓活動已全面暫停，出現「零睇樓」情況。日後若有客人參觀該座數單位，亦會提醒客戶該座住宅曾有單位發生主力牆被鑿穿事件，也不排除日後於成交單位的買賣合約中加入免責條款，以保障買賣雙方利益。 事件發生後有部分睇樓客取消睇樓，惟業內人士相信屬短期情況，現時首都業主均持觀望態度，未見有業主急於求售而減價，目前首都整個屋苑約有167個放盤，入場價約720萬，涉事的第6座則有26個單位放盤，暫時未錄得減價或減租個案。該名代理續指，若銀行日後停止對涉事屋苑其他單位作出估價，或會影響其他單位的按揭審批，不排除個別業主會因而大幅「減價」沽貨。港置首席分區董事劉浩勤稱，涉事首都第6座鑿穿主力牆事件引起全城關注，不少睇樓客更直接表明拒絕前往涉事座數睇樓，形容該座數睇樓量陷入「冰封」，惟現時市場暫時未見有業主減價。 事件發生後首錄成交個案 在首都6座發生鑿穿主力牆事件後，該屋苑錄得首宗成交，有買家趁機壓價，成功以低市價入市。涉及單位為1座中層LD室，面積708方呎，3房間隔，原本開價930萬，議價後減價52萬，以878萬易手，成交價低市價約4%，呎價約12401元。 據悉，買家為區內換樓客，鑿穿主力牆事件曝光後，一度計畫放棄入市，但與家人商討後，認為該單位並非受影響的座數，加上原業主願意減價，故趁機低市價買入。 業主聯署提五大要求 「首都真業主團隊」昨傍晚於首都發起聯署行動，在場收集住戶簽名，聯署提出「五大要求」，包括促請屋宇署和港鐵物業部調查客務處在事件上有否疏忽，以及交代往後改善方案等。期間有保安報警，指相關活動未經申請，警員到場調查。警方表示事件列作「投訴滋擾」。 本報地產組