2023-04-18
明報
【明報專訊】非政府機構香港仔坊會營運?「尚晉坊」位於赤柱，係南區首個過渡房屋計劃，項目早前已接受申請，但營運機構話目前仍未滿額，仍有小量2至4人單位出租，噚日開始再接受新一輪申請，如果想住南區就可以留意。項目2人/3人單位?面積介乎224至300平方呎，租金介乎4440元至5330元；3人/4人單位?面積大約304至310平方呎，租金介乎5330元至6005元。
呢個項目其實規模唔大，房屋大樓改建自2001年停辦?前聖公會赤柱小學校舍，有40個單位和附屬設施，每個單位均配備獨立廁所浴室及煮食空間，仲有分體式冷氣機、洗衣機、儲水式電熱水爐、雪櫃、廚櫃、抽氣扇、電陶爐等家電。申請人可於aka.org.hk下載申請文件。