2023-02-24
明報
【明報專訊】由恒基地產同博愛醫院合作發展?過渡房屋元朗「江夏圍村」正式入伙，係目前全港最大規模?過渡房屋項目，提供1998個單位，最多可容納6000人。房屋局長何永賢噚日出席入伙儀式話相信項目有吸引力，可以令超過2000個家庭受惠，有社會價值。
博愛醫院主席林群話項目引入咗多項社區配套設施，方便居民生活，包括超級市場、社區飯堂、中西醫療及牙科服務，仲有長者、青少年、兒童及家庭服務等。恒地執董黃浩明話項目唔夠兩年就完工，體現官商民三方合作。江夏圍村用地由恒地以象徵式一蚊租金借出，對象係已輪候公屋至少3年或者住喺惡劣環境?人或家庭，預計整個營運期共可以畀4萬人入住。
江夏圍村單位月租2000至4500蚊，租期兩年，居民可以按情况續租。