2022-12-21
明報
【明報專訊】疫情影響經濟，市建局喺2020年4月開始寬減租戶?租金。市建局噚日宣布，再為轄下住宅同部分商舖租戶延長租金寬減，由出年1月延長到3月底，約1300個住宅同商戶受惠。市建局話累計已寬減?租金，連同預留新一輪措施?錢，合共2.43億元。
新一輪租金寬減包括安置大廈同埋重建項目內約840個已收購?住宅及商舖租戶，可獲減租75%。至於由市建局直接出租，並喺保育、活化同發展項目裏面?大約170個商舖租戶，局方話會視乎佢哋實際營業額?跌幅，按租金開支佔營業額?比重，分三級寬減，最多寬免75%。至於同發展商合作經營?7個商場共約270個商舖租戶，市建局話會同發展商傾吓減租問題；而中環街市、西港城?營運機構亦會睇睇個別商戶?營業情况，再諗諗點減租。