【明報專訊】喺北角渣華道市政大廈經營近30年?東寶小館，早前因為畀食環署話「非獨資經營」終止租約。Emily聽聞，東寶將會喺灣仔謝斐道近杜老誌道一幢商廈裏面重開，目前正籌備緊。
Emily問過東寶經理露比，佢確認東寶最快11月重開，但由於做唔番熟食中心大牌檔，唯有「上樓」喺商廈開番，樓面較渣華道市政大廈細咗大約三分之一，舖租當然亦貴咗。至於裝修會唔會參照喺北角時?風格，露比就話仲度緊，不過本地食客同旅客鍾意?「戰鬥碗」會重出江湖。
旅發局用疫前舊相宣傳香港
講開東寶，早前網頁將推介東寶內容下架?旅發局，再被發現用疫情前?舊相宣傳香港。旅發局喺最新一輯網上宣傳硬照中，顯示請咗一個澳洲前運動員去東寶北角舊址食飯，其他宣傳片段就見到當時香港途人無戴口罩四處走。旅發局回覆法新社查詢時就承認該批片段係2020年1月拍攝，同時宣傳片有字句提醒片中場景及畫面「純粹係為推廣同創意之用」。