海洋公園負債纍纍，為了改革求生，去年公布將山下園區打造為消閒、飲食為主?「零售飲食娛樂商業區」（RDE），並於今年2月公開招標。不過，海洋公園公司董事局主席近日就透露，上述項目直至今年7月截標時，均冇投資者入標而「流標」，又認為係受第5波新冠疫情影響下，導致投資者們打退堂鼓咁話。
擬發展物業增收入
即使一直冇投資者入標，但園方就話改革方案未算失敗，因山下園區只係發展?一部分，團隊會改變策略，或許會考慮重新招標。又表示從去年3月立法會財委會撥款67.8億港元至今，撇除因為疫情休園?日子，海洋公園現時營運順利，堅稱呢一秒財政健全。假如本港能喺未來數年恢復社會常態，海洋公園有望毋須再向政府申請增加撥款。
針對改革方案，園方表示會考慮發展物業以增加收入，其中RDE已包括店舖及餐廳等，形容與「起樓」沒有大分別，又指會考慮任何方案，而若有新方案會再對外公布。另期望山上園區?招標項目進展順利，帶動公園可持續發展。