2022-08-12
東方日報
行政會議成員個人利益登記冊更新。21位官守議員中，只得文化體育及旅遊局局長楊潤雄冇物業，財經事務及庫務局局長許正宇就申報7個單位及4個車位，成為行會官守議員?「樓王」。另外，3位局長喺海外有物業，4位司、局長則喺內地持有物業。而15名行政會議非官守成員當中，以李國章擁逾40物業，同埋喺倫敦擁有兩個物業成為「樓王」；身兼新界鄉議局主席?劉業強成為「地王」，擁有逾400幅土地，屯門佔353幅，元朗佔55幅，北區佔43幅。
據登記冊顯示，行會「樓王」許正宇同埋家人持有?物業同車位就高達11個，包括灣仔區有3個單位同兩個車位、中西區有一個單位同一個車位，至於喺新加坡、中國內地就分別各有一個物業，澳洲則有一個物業同一個車位。
楊潤雄做無殼蝸牛
講起內地?物業，政制及內地事務局局長曾國衞喺東莞持有一個自住物業；財政司司長陳茂波喺中山市持有一個物業；創新科技及工業局局長孫東亦喺北京市持有一個物業供家人居住，只得文化體育及旅遊局局長楊潤雄冇物業。
至於喺海外持有物業?行會成員議員，仲有醫務衞生局局長盧寵茂及房屋局局長何永賢。盧喺英國持有一個空置物業，何則申報同配偶喺新加坡持有一個物業，但建築工程仍在進行中，預計不遲於2025年12月31日交付。行會非官守成員中，就有4人持有海外物業，3人擁內地物業。
而多名新任?行會成員當中，陳健波擁有4個南區單位同4個車位，深圳擁有一個住宅；梁高美懿喺香港擁有兩個物業同3個車位之外，亦擁有一個澳洲悉尼?物業；陳清霞喺港島半山區持有一個單位同觀塘區一個商舖，另外喺加拿大擁兩個住宅物業；鄭慕智持有3個中西區單位，喺倫敦擁有一個物業同一個車位。
另外，林正財亦喺中山有一個物業，任志剛?太太喺中山有兩個相連單位?物業，佢亦透過一間公司持有中山高球會?會籍供家人使用。