2022-07-08
明報
【明報專訊】由社區組織協會營運、預計約有200伙?「荃灣油麻磡路組合社會房屋項目」噚日下晝舉行動土禮，房屋局長何永賢有份主持儀式，佢致辭時話短期居住設施對改善市民居住環境有好大意義，又話國家主席習近平早前來港發表講話時提到，香港人?「房子要寬敞一啲」，令佢聽到時個心「暖一暖」，認為呢句說話好明顯係同房屋局講，𠵱家發夢都會夢到個「快」字，希望今次項目可盡快落成。
噚日動土禮原定下晝1點45分開始，點知突然落大雨，最終為咗等停雨，儀式順延半個鐘先舉行。
荃灣200伙社會房 明年初收申請
呢個項目涉及一幅位於油麻磡路同昌榮路交界?4700平方米閒置地，將興建約200個單位，包括196個一至二人單位，同埋4個家庭及無障礙單位，預計可容納約700人。社協副主任施麗珊話項目預計明年中落成，明年初接受申請，八成單位會留畀輪候公屋超過3年?市民，其餘兩成留畀因應特殊情况、經社工推薦入住?人。租金方面，綜援住戶會參考綜援租金津貼而定，其餘住戶就唔超過家庭入息?25%。