2022-03-07
明報
【明報專訊】政府將社交距離措施一口氣收緊到直至4月20號，令多個行業營業額「清零」。繼《財政預算案》決定延長政府合資格租戶等?75%租金寬免，市建局亦緊隨推出新一輪租金寬減，同樣係由4月起至9月底，為期6個月。
市建局行政總監韋志成噚日喺網誌話，措施動用5700萬元，惠及大約800個住宅同商業租戶，因應受影響程度有唔同寬減，例如安置大廈同重建項目內已收購物業?約400個住宅租戶同商舖租戶，疫下收入大減，會維持寬減75%租金。
零售商戶就會視乎營業額下跌同租金佔營業額比重，免租幅度為20%、50%以至全免，但受影響輕微?商舖租戶就要交番全額租金。食肆亦會有唔同幅度減租，如果租金佔營業總額比例超過25%，嗰個月就可以免租。至於被勒令停業?表列處所，喺停業月份就會全額免租。疫情至今市建局租金寬減累計超過2億元。
另外，市建局早前暫撥?56個應急單位，已有染疫?8個租戶同6個員工?密切接觸者及同住家人免費入住。