2014-09-10
經濟日報
欄名:市況直擊
薄扶林置富花園渴盤非常，買賣鎖匙盤只有3個，當中屬兩房戶，叫價在600萬元以下，更僅佔1個。
議價空間少於5萬
美聯物業（01200）置富花園分行營業經理吳更明（見小圖）表示，屋苑業主十分惜貨，不少更索性收盤，等樓價再升，至於可以約睇樓的業主盤，態度也十分強硬，要求客人到價才上門睇樓，至於議價空間則少於5萬元。
反觀睇樓客依然願意睇樓參觀，不過卻不輕易出價洽購，因認為樓價高於預期，怕「摸頂」入貨，睇樓客一般的樓價預算，約圍繞470萬元。由於買家屬初次置業的用家，實力有限，難以負責5成的首期，故甚少會搵連租約戶。
其中6座低層H室，實用面積439平方呎，建築面積518平方呎，向西北，望內園景，戶主叫價460萬元，放盤不足1周，即以458萬元易手，實用面積呎價10,433元，新買家為同區的上車客，戶主早於1990年1月以74萬元買入。
另外，15座低層A室，屬兩房向東南，由於屬低層，故望園景為主，高層戶則有海景，戶主放盤不足兩周，即成功以515萬元沽出，實用面積呎價11,731元，創低層園景戶的新高價，原業主於2011年2月，以365萬元購入。