香港樓價不斷上升，有消息指民政事務局局長徐英偉近日賣樓，佢位於九龍塘又一居高層3房單位，以1,450萬元沽出，呎價22,070元，佢持貨逾10年，帳面賺557萬元，物業升值62.4%。
持貨逾10年 升值6成
聽講徐英偉與妻子喺2011年購入呢個單位，至2014年10月，兩人再以920萬元將業權賣畀徐英偉一人全資擁有。徐太太「甩名」後以首置身份買樓，並喺同月以1,700萬元購入又一居另一個頂層複式單位，節省咗大約63.8萬元印花稅。
而根據行政會議成員個人利益申報表，徐英偉持有一個位於深水埗區?住宅單位作出租，其妻則另外持有一個位於深水埗區?住宅單位作出租，以及兩個位於深水埗區?車位作自用。而徐英偉亦擁有一個位於加拿大?住宅物業供家人居住，佢佔咗一半業權。話時話，佢揸又一居呢層樓逾10年，可以話係相當長情，唔知佢賣樓換「真銀」有咩打算呢？