2014-09-08
經濟日報
裕泰興發展項目不多，但旗下炮仗街酒店項目即將落成，預計最快於年底開始營運，走大眾化路線，預計房租在1,000元以下。
裕泰興董事總經理羅守耀表示，旗下土瓜灣炮仗街酒店項目，現時正進行內部裝修，相信短期內便可以開始營運，「最快會喺今年聖誕，最遲都一定要喺明年農曆新年之前完成，如果唔係，就會蝕咗好多錢。」
他指，該酒店打算用裕泰興的品牌作營運，將會是集團首次，提供約160個房間，將會走經濟、大眾化路線，吸納旅行團生意為主，預計房租在1,000元或以下。
「其實酒店市場相當渴市，現時嘅賓館都要500元以上，但衞生環境較低，我相信唔少旅客情願俾多100至200元住好一點。」
預計回報率約3厘
而且，他認為土瓜灣區位於市區，對旅客來說相當方便，相信旗下酒店「有得做」，預計回報率約有3厘。
羅一面作為裕泰興董事總經理，另一面亦為電影導演，談及電影時亦相當興奮。他去年擔任導演的《衝鋒戰警》，成績一般。羅認為，此片亦可作為打入內地市場的契機，先打好內地的人脈關係。
羅守耀緊接便會到內地與演員會面，希望積極拓展內地市場，「無可否認，香港電影喺世界市場上，係低咗，唔可以話可惜，但現實就係咁。」
「港產片票房好嘅都只係收得2,000萬元左右，但一半要分俾戲院，剩低嘅請人都唔夠，所以現時港產片只能夠拍低成本作品。」
羅守耀亦滿腹大計，坦言現時有10多個題材想拍，對於內地對電影的政治審查，會否窒礙其取材，「內地對人性嘅審查其實比較少，只要唔好表揚罪惡就可以，如果真係有涉及政治審查嘅題材，咪唔拍囉！」