【明報專訊】思捷環球(0330)(Esprit)自從獲股壇名人莊友堅太太兼維他奶(0345)創辦人羅桂祥家族成員羅琪茵入主後，除咗大換血外，最近公布搬埋總部，進駐老闆位於北角?總部華匯中心13樓全層，月租29.6萬元，比起之前傳出以48萬租九龍灣高銀金融國際中心，月慳近20萬，似乎真係整頓以往一向大花筒?思捷喇。
月租慳近20萬
思捷以往唔慳家?紀錄多不勝數，好似當年明明業績唔掂，仲扔大筆錢去請巴西名模Gisele Bündchen做生招牌，結果業績都唔見改善。
其實喺公司將總部大縮水搬入去高銀金融國際中心之前，思捷?總部就設喺企業廣場，用緊5層樓咁多，之後2015年賣畀家下都唔多掂?內房福晟(0627)，再同福晟租番其中4層加13個車位。當時份租約相當辣，頭3年月租要成243萬，後3年月租升到291.7萬，啲租貴到真係唔知以為思捷仲賺緊十億八億一年。
除咗思捷大改革外，小琴噚日留意到公司通告個logo同通告內容都變晒彩色，一改以前思捷logo黑白色?習慣，唔知呢個係咪又係公司新改變呢？