【Emily】林卓廷為子女及官司賣樓套現 話應付政治寒冬 絕非為「走佬」

【明報專訊】繼支聯會主席李卓人後，民主黨副主席林卓廷（圖）近日以過千萬元賣出沙田自住物業。阿廷表明賣樓係要套現應付子女升學開支及官司開支，強調絕非賣樓「走佬」，話要走一早就走咗喇，自己想手頭寬鬆啲，「應付香港漫長的政治寒冬」。 根據地產代理資料，林卓廷喺沙田翠湖花園?1102呎三房單位連車位，最近交易，成交價1268萬元。佢喺2009年以552萬元買入，即帳面升值716萬元。阿廷帳面雖然有賺，但睇番屋苑成交紀錄，阿廷?單位呎價11,506元，而同屋苑近期交易呎價去到1.2萬至1.3萬水平，即係阿廷今次算平賣。 翠湖花園單位1268萬成交 帳面升716萬 阿廷話由於要應付官司，以及準備子女升學開支，所以要賣樓套現，暫時租樓住。阿廷目前被控多罪，刑事案包括7．21暴動罪，民事?有同何君堯?誹謗官司，佢亦提出控告警務處長鄧炳強，律師使費真係唔講得笑。 阿廷話，唔想被建制媒體「做文章」屈佢「走佬」，佢話無計劃離開，亦無可能走到，因多宗官司在身，旅遊證件都被扣起咗。