2021-01-18
明報
【明報專訊】經濟唔好，部分人對樓市前景悲觀，其中支聯會主席李卓人近日賣咗美孚新邨1期?自住單位，佢噚日同Emily講，物業係同太太共同持有，住咗十幾年，最近因為對香港樓市無信心，認為樓市唔可以持續，決定賣咗層樓，覺得目前租樓抵過買樓，但未諗好日後住邊區。
土地登記冊資料顯示，李卓人同太太2006年買入單位，當年成交價332萬元。現時物業登記處暫未見該單位?成交數據，但區內物業代理提供美孚1月中最新成交數據顯示，相信係李卓人持有?物業，以1000萬元成交。而大型銀行對上址?網上估價大約介乎1053萬至1107萬元，該單位實用面積超過800呎。
李卓人話，單位係以正常市價出售而非賤賣，亦有喺市場放盤，佢強調賣樓同政治考慮無關。李卓人現時有多宗案件在身，涉及2019年「8．18」維園集會同「10．1」港島遊行、去年六四等4次集會，前後被控告9項罪名。