【明報專訊】太古地產（1972）近年喺港發展物業同推盤貴精不貴多，不過近日佢哋發咗張公告話，集團大班史樂山同公司買入加列山道38號七重天大廈（Eredine）?住宅，仲畀咗一成訂金，估計成項交易可以喺8月9日或之前完成。七重天大廈向來為太地?租盤之一，唔睇年報都無乜人知佢哋用嚟收租，得7個單位咁大把，好多人仲以為係非賣品𠻹。
太地出售收益逾3554萬
如果史樂山要買物業成事，太地原來要行多一步，要先跟公契發1個月通知，用買方出?同一價錢向其他業主優先賣樓，若有人話要優先購買，史樂山買樓?如意算盤就打唔響。若交易成事，太地不單有錢落袋，亦有出售收益3554.7萬，都咪話唔和味。
[小琴密語]