2018-04-06
明報
【明報專訊】財經事務及庫務局前局長陳家強接受團結香港基金副總幹事兼政策研究院主管黃元山訪問，大談兒時生活同卸任後重返大學教書?感受。陳家強話細個時一家住過劏房，之後家人輪到公屋，上樓搬咗去彩虹邨，父母仲透過「租（居）者有其屋計劃」置業。佢認為政府可以提供多啲首置單位，並要「真係好平賣」，令市民有個置業希望，定價就應該同市民負擔能力掛鈎，而唔係同市場掛鈎。
多咗時間做運動 「無官一身輕」
陳家強卸任後重返科技大學做兼任教授，佢笑言做局長同做教授一樣咁開心，但𠵱家的確「無官一身輕」，所指?「輕」係體重輕咗，皆因多咗時間做運動。
佢話小時候家人由劏房搬去彩虹邨，之後置業，而父母最終亦因為唔需要住咁大?單位，就將業物變賣換間面積細啲?私樓，反映喺人生唔同階段，市民會有唔同住屋需要。佢認為政府可以諗吓提供多啲首置單位，等大家有個希望，不過𠵱家私樓樓價高企，同市民負擔能力脫節，因此首置單位價格要考慮市民負擔力，而唔係同市場掛鈎。