【明報專訊】全國政協常委何柱國向來語出驚人，噚日佢接受無線新聞節目《講清講楚》訪問時，就話想為年輕人解決房屋問題，建議將香港監獄遷往內地，以騰出土地建屋。佢又引述喺北京時曾經見過好高級?中央官員，對方就香港施政提醒：「決不能『新官不理舊帳』，為積極做事者撐腰鼓勁，庸政懶者要嚴肅問責」，何柱國話，呢條問題可能係畀財政司長陳茂波，「點解佢唔落力做啲嘢？林鄭（月娥）如果你做特首，你咪支持佢（陳）囉」。
何柱國喺訪問中話，想為年輕人找一條出路，喺房屋方面爭取利益，佢斥責政府?覓地委員會係「廢柴」，認為收回高爾夫球場嚟發展，不能增建大量房屋，而香港係國際城市，如果收番高爾夫球場建屋，係扼殺吸引外資來港?「無形中?好處」。何柱國建議，將香港監獄遷到內地，以騰空大量土地建屋，又認為呢個做法仲可以防止囚犯逃獄。
境外者買樓辣稅倡倍增
何柱國又建議政府應該更積極遏抑樓價，包括再倍增境外人士買樓?印花稅，同時為首置又住滿18年?香港人，提供稅務優惠。