【明報專訊】律政司長鄭若驊大宅僭建事件引嚟唔少法律界人士質疑，包括港大法律學院首席講師張達明。《大公報》噚日報道話張達明住宅都有僭建，「六年未還原」、「涉嫌知法犯法」；張達明噚日凌晨、即喺報道刊登前，喺facebook話收到有報章就事件查詢，佢同時貼出屋宇署文件，證明自己6年前已遵循屋宇署清拆及還原命令。
報道聲稱，張達明位於九龍嘉樂閣住宅兩間睡房?花槽僭建，屋宇署2011年發出相關命令，但張達明至今未完成命令。報道引述張達明回覆稱，收到屋宇署命令後已完成修正，署方亦滿意相關工程，但報道質疑張達明點解無屋宇署發出?「滿意紙」。
張達明喺facebook上載屋宇署2011年7月發出?「滿意紙」（圖二），確認佢已遵循清拆僭建物命令，並已將「滿意紙」電郵畀有關記者。
佢強調，2010年購買現有住所時無改動結構，亦唔知道兩個睡房花槽實心平台涉及違例建築，但屋宇署發出清拆及還原令時，自己已立即安排工程人員跟進。