【明報專訊】政府銳意利用創新科技發展本港為「智慧城市」，市建局行政總監韋志成噚日喺網誌話，過去一年市建局探索唔同方案，逐步喺重建項目加入「智慧」元素，目前喺旺角山東街、中環嘉咸街同大角嘴福澤街3個項目?發展協議上，列明加入智能系統?要求，包括安裝家居智能顯示屏，實時顯示家居?水、電、煤用量，令住戶隨時監測；又喺樓宇公用設施，例如防火門、水泵等安裝感應器，當有故障會及時推送信息，確保公用設施運作正常。
至於早年落成?荃灣重建項目「荃新天地」，韋志成話正着手今年內喺荃灣南地區推出尋找泊車位?應用程式，令駕駛者知道區內邊啲停車場有位，唔使好似𠵱家咁要喺停車場入口外等候；市建局又計劃喺觀塘重建項目「鵝蛋形」地標建築物下面?公共空間安裝大屏幕，提供巴士班次資訊。
韋志成話計劃將「智慧」元素延伸至社區，包括研究喺公用地方安裝感應器，蒐集溫度、二氧化碳同濕度等環境資訊；亦會喺個別重建項目人流密集?地方安裝特別地板系統，利用行人踩壓地面?壓力能量轉化為電力；未來亦喺重建項目加入5G流動網絡等。