【明報專訊】Emily最近逛旺角花墟，見到太子道西和園藝街有一排活化咗?唐樓群。發展局長黃偉綸（Ｍichael）噚日喺網誌話，呢排唐樓係本港市區最長相連?戰前「騎樓」式唐樓群之一，復修工程已經做完，單位全部租出，地舖主要賣鮮花同園藝用品，樓上單位做商業同文化用途，引入咗非牟利機構、茶藝鑑賞同陶藝工作坊等新租客，其中一幢畀社聯管理同營運，活化成為社企生活平台。
Ｍichael話唐樓原本有16幢，1930年代興建，係本港第一代鋼筋混凝土建築，以前呢啲叫做「摩登」住宅，有唔少中產家庭居住，1960年代後期部分唐樓被拆，所以得番10幢。Michael探過唐樓活化後?租戶，有租戶賣乳癌復康內衣，並為復康者提供心理輔導，揀租唐樓係因為覺得室內間隔同空間感令人舒服，可以令人敞開心窗。又有陶藝創作坊概念店，原汁原味保留咗唐樓單位?地磚同通往騎樓?木門等特色，有種懷舊感覺。