單身特快公屋 長者揀凶宅成功上樓

【本報訊】房屋署新一期特快公屋編配計劃昨日開始安排單身申請者揀樓，當中唯一一個曾發生兇案的藍田德田邨德瑞樓面積一百多平方呎的「凶宅」，由於位處市區交通方便，而且租金僅六百多元，甫推出即被申請人「掃走」租出。而現場可見，出席揀樓者大部分為長者，年輕人欠奉。大部分成功覓得心水單位的申請人均表示揀樓時仍會以位置欠佳或有人自然身故的單位為首選；但亦有部分申請人表明「乜都唔驚，只驚無屋住」！ 七十歲的袁伯現以月租三千多元租住堅尼地城一個劏房單位，浴室、廚房需與人共用。輪候公屋近四年的袁伯最終揀選了位於香港區、月租僅一千二百元的公屋單位，較現時劏房單位的租金足足便宜了逾半。袁伯稱今次揀得的公屋單位前住客自然身故，「呢啲唔關我事，佢地夠鐘扯就要扯（口架）啦！」被問及會否考慮曾發生兇案的凶宅，袁伯即時「耍手擰頭」，直言「真係諗都唔使諗」！ 輪候四年不果 「唔驚鬼最驚無屋」 不過，亦有少數申請者為求得棲身之所而不惜「冒險」入住「凶宅」單位，何女士陪同年屆六十多歲的胞弟昨日到場揀樓，她指胞弟與弟婦居於內地，輪候公屋四年多苦無音信，直言最驚並非凶宅，而是「驚（胞弟）無屋住」。何女士指胞弟「乜都要o架啦，死人、跳樓、冧樓乜都要，鬼都唔驚」，其胞弟最後亦成功「上樓」，揀選了啟晴邨一個曾有租戶自殺身亡的公屋單位。